قصيدة بنات اليوم

قصيدة بنات اليوم

أعجبتني بكل معني الكلمة

هـذي بنـات اليـوم برقـع وجـوال ولاعبايـة كتـف هــم يلبسـوهـا

والراس فوق الراس طرحه مع الشال حتـى الخصـال الطيبـة افقدوهـا

يوم البنات اللي غـدٍ سبـت اهمـال ويـوم السبايـب اهلهـا هملـوهـا

الأم نامـت والاب صـار تمثـال والبنت راحـت ويـن مـا يسألوهـا

بالليل تسهـر بيـن هاتـف وجـوال والا علـى الشات سهـروهـا

اللبس تلبس كل مـا يطـرب البـال وفلوس لو تنقـص عليهـا عطوهـا

من شافها باللبس يـا ساتـر الحـال يسبهـا ويـسـب مــن خلفـوهـا

كومة لحم وعيـون والرمـش قتـال ولما مشـت كـل الشبـاب اتبعوهـا

هم ما دروا لـو البراقـع بتنشـال ونشوف وش تحت البراقـع خفوهـا

وين البنات اللي بهم تضـرب امثـال ليت العلـوم الطيبـة مـا تركوهـا

البنت زين البنـت لا زانـت الحـال ما هـو بلبـس ولا علـوم خذوهـا

وين المراجل ما بقى غيـره ارجـال يليـت الشـوارب واللحـى حلقوهـا

اللي على عاره رضي الـذل ينقـال ليـت الكرامـة ليتهـم يرفعـوهـا

ما عاد ينفـع قـول فيهـا ولا قـال لا الأم والله ولا الأبــو انفعـوهـا

الله عليك وعلى بنات اليوم

صح كلامك كلهم كذا

شكرا لك يا غالي

مشكور على المشاركة

ونتمنى المزيد

لك كل الشكر

اول شيء انا جديد بهالمنتدى << وبصراحه اعجبت فيها والي عجبني فيها اكثر الاعضاء الموجودين في المنتدى

ثاني شيء << والله مدري وش اقولك يا الغالي على كلامك بس ... مني شاايف ب كلامك غلط << وهذا الواقع الي احنا عايشين فيه

عااد ادعوا ان ربنا يثبتنا على دينه ... اللهم امين

يعطيك الف الف عاافيه

وكل كلامك صح << بس ياريت لا تحرمنا من مواضيعك الحلو

ولا تحرمنا من مواضيعك يا الغالي

تحياتي العذبه

كاسر والقلب جامد